Педагогтерді аттестаттаудан өткізу жөніндегі пилоттық жоба туралы
Қазақстан Республикасы Оқу-ағарту министрінің м.а. 2026 жылғы «05» маусымдағы
№ 159-НҚ бұйрығы
Пилоттық жобаның шеңбері: 2026 жылдың қыркүйек–желтоқсан айлары
4. Пилоттық жобаның қатысушылары пилоттық жобаға қатысуға ниет білдірген педагогтер болып табылады:
1) аттестатталуға жататын, 2026 жылғы 1 қыркүйекке дейін ПББ тапсырудың бірінші мүмкіндігі кезінде мәлімделген біліктілік санатына ПББ шекті мәнінен өтпеген адамдар қатарынан;
2) аттестатталуға жататын немесе мерзімінен бұрын аттестатталуға үміттенетін, Пилоттық жоба іске қосылған кезде ПББ-ға тіркелген, бірақ тестілеуден өтуге кіріспеген немесе ПББ-ға тіркелуден өтпеген адамдар қатарынан.
Қолданыстағы қағидалар бойынша аттестатталатын педагогтер
Пилоттық жобаның қатысушыларына жатпайтын педагогтер
- ПББ тапсырудың бірінші мүмкіндігі кезінде шекті балл жинағандар
Себеп: ПББ сәтті тапсырылды, демек шешім қабылданады.
- 2 мүмкіндікті пайдаланған және шекті балл жинаған НЕМЕСЕ жинамағандар
— Егер 2-ші мүмкіндігінен жинаса — ПББ нәтижесі бар.
— Егер 2-ші мүмкіндігінен де жинай алмаса — ПББ қағидалары бойынша 2 мүмкіндік беріледі және педагог екеуін де пайдаланды. Пилоттық жоба 1-ші реттен өте алмаған, бірақ 2-ші мүмкіндікке құқығы бар педагогтерге ғана мүмкіндік береді. Егер 2 мүмкіндік те пайдаланылған болса — ПББ тапсыру құқығы таусылды және пилоттық жоба қолданылмайды.
- Мерзімінен бұрын аттестаттау кезінде ПББ тапсыру мүмкіндігін пайдаланғандар
Себеп: Мерзімінен бұрын аттестатталу кезінде ПББ-ны қайта тапсыруға (2-ші мүмкіндікке) құқық берілмейді, тек 1 рет қана тапсыруға болады. Ал пилоттық жобада бірінші мүмкіндікті пайдалану және екіншісінен бас тарту деп көрсетілген.
- «Педагог-зерттеуші» немесе «педагог-шебер» біліктілік санатын растайтындар
Себеп: Санатты растау үшін ПББ тапсыру талап етілмейді, тек материалдар (портфолио) қарастырылады. Педагогтер ПББ тапсырмайтындықтан, олар «бірінші мүмкіндіктен шекті мәннен өте алмағандар» бола алмайды және тестілеуге тіркелмейді. Пилоттық жоба тек ПББ нәтижелеріне негізделген, ал бұл санатта ПББ тапсыру жоқ.
- Біліктілік санатын растау кезінде 30 жыл және одан да көп еңбек өтілі барлар
Себеп: Еңбек өтілі 30 жыл және одан да көп педагогтер біліктілік санатын растау кезінде ПББ тапсырудан босатылады, тек материалдар (портфолио) қарастырылады. Педагогтер ПББ тапсырмайтындықтан, олар «бірінші мүмкіндіктен шекті мәннен өте алмағандар» бола алмайды және тестілеуге тіркелмейді. Пилоттық жоба тек ПББ нәтижелеріне негізделген, ал бұл санатта ПББ тапсыру жоқ.
- «Педагог-модератор» санатын беру кезінде «бірінші» және «жоғары» біліктілік санаты барлар
Себеп: Егер педагогте ескі формат бойынша «жоғары» немесе «бірінші» санат болса, онда «модератор» біліктілік санатына өтініш берген кезде ПББ тапсыру талап етілмейді. Педагогтер ПББ тапсырмайтындықтан, олар «бірінші мүмкіндіктен шекті мәннен өте алмағандар» бола алмайды және тестілеуге тіркелмейді. Пилоттық жоба тек ПББ нәтижелеріне негізделген, ал бұл санатта ПББ тапсыру жоқ.
- Басшылар мен басшының орынбасарлары
Себеп: Олардың аттестаттау пәні басқа. Олар «педагог» ретінде емес, «білім беру ұйымдарының басшылары» ретінде аттестатталады. Олар үшін бөлек талаптар бар (басқарушылық құзыреттер, менеджмент). Олар заңнаманы білуге тест тапсырады. Пилоттық жоба «педагог» лауазымы бойынша аттестатталатын тұлғалардың қатысуын көздейді.
- Білім беру ұйымдарының, әдістемелік кабинеттердің (орталықтардың) әдіскерлері
Себеп: Әдіскерлердің өзіндік біліктілік талаптары бар (әдістемелік жұмыс). Пилоттық жоба «педагог» лауазымы бойынша аттестатталатын тұлғалардың қатысуын көздейді.